Adelaide to Alice Springs

Hallo Liebe leute

Die letscht wuche bi ni chli am Out Back gniesse gsi. I cha saege, dass muess me mol erleb und gseh ah. So megggggaaaa schoen..... Mir hei e richtige Out Back Guid ka, so mit langem Bart und huet.
Mir si i Adelaide am 6i am morge gstartet. Den si mer gfahre und gfahre bis mer i dr noechi fo dae Flinders Ranges acho si. Doed hei mer den uebernachtet. Imene "Dorf". Het us 4 Hueser, euses Lagerhus, Aere Schuel (Het aber kei chinder i daem Dorf!!";)) Ae Bodanische Garde (Het usgseh wie im Mama si Garde , Wo mer no ein ka hei...:)) Und naturlich aes PUP und Zuggleis. Doed fahrt 2mol daeglich der lengsti zug vo der Welt, wo mit einere Lokomotiv atribe isch, dure. Er isch 3km lang und het 3min bis er verbie gfahre isch. Am noegst dag si mer den d Flindes Ranges und Wild Life go bestune. Am dritt dag si mer den (I has fast nid choene glaube!!) am 5i ufgstande, wenn de no hesch welle dusche am 4.30!! Ich langschloefer ha so frue muesse ufsto. Aber ebe, den hets agfange, Mit dere Fahrerei. Mir si am 6i den losgfahre und si am 6i zobe den i Coper Pedy (Opal Stadt alles unter der Erde) acho. Mi Rugge isch hard gsi wie es Brett!:) Nachere Stadtrundfahrt und eme Minebsuech hets den Pizza geh, hmmmm. Am noegste morge das selbe 5i ufstoh und 6i abfahre. Au huet si mer wider 12h im Auti kokt. Aber ziit isch schnell umegange. Die landschaft isch so abwechligsrich (daenkt me gar nid). und ab un zue hets vo forne gschroue, Kengeru, Eagel, Bambi, Emu und den si 24 Photiaperaet ufdaucht und alli si hell wach gsi..;)) A daem obe simmer den bim beruemte Ayers Roch (Uluru) acho. Doed hei mir der Sunneuntergang gnoss. Es isch eifach spektakulaer gsi. Wie ner sini Farb gwechslet het, eifach genial.(Kei wunder isch er fuer d Aboriginal Heilig!) Wos den dunkel gsi sich si mer is kamp go znacht esse. Am noegscht morge si mer den natuerlich wider am 5i ufgstande, wi mer der Sunneufgang am Rock hei welle gniesse. Leider is bewoelkt gsi und es isch nid so Spektakulaer gsi, aber trozdaem schoen. Nocher si mer den umen ume glofe. Wunderschoen!!!! Den si mer no d Olgas go bsueche und hei den eus wider uf e 5h fahrt gmacht zum Kings Canyon. Am obe hei mer den imene 5dusig Staerne Hotel uebernachtet (sprich Schloffe unter freie himmel und mit Dingos:)) Das isch supper gsi, i ha no nie so vil sterne gseh!!! Am noegscht morge si mier wider der sunneufgang go ahluege uberem Kings Canyon, leider wider chli Bewoelkt aber ebe glich schoen. Nach ere 3h walk si mer den richtig Alice Springs (5h Autofahren). Mued und mit emene guete gfuhl si mer in Alice Spring acho am 6i acho.
Huet gots wider nach Cairns as Meer.
Guetti ziit und bis zum noegst mol.

Raya